Македонскиот ракометен клуб Е.Пелистер најави ново засилување за следната сезона.
Во редовите на пелистерци пристигнува младиот Малик Татар. Овој талентиран ракометар доаѓа од Словенија и во последната сезона беше најдобриот стрелец во својот домашен шампионат.
Татар потпиша договор на две години со македонскиот клуб и неговото официјално претставување ќе се одржи на стартот на подготовките за новата сезона.
Со ова, Татар е петото засилување за екипата на Лино Червар за сезоната 2025/26, покрај Котар, Серафимов, Белистојаноски и Џелиловиќ.
„Со својот потенцијал и особини, Малик привлече интерес од неколку европски клубови. Наше е задоволството да потврдиме неговиот трансфер. 20-годишниот лев бек Малик Татар е нов член на Еурофарм Пелистер“, изјавија од клубот.
