На денешен ден: Формирањето на култниот бенд Т.Б. Трачери
На 29 мај 1994 година, во Куманово, основан е еден од најоригиналните и најзабележителните македонски рок бендови – Т.Б. Трачери, што е скратено од „Терористичка банда трачери“.
Бендот, на чело со Кирчо Арсовски (вокал, гитара и главен автор), е активен од 1991 до 2016 година и остави значаен печат на македонската алтернативна сцена. Нивниот звук е уникатна комбинација од панк, гаражен рок и рокабили, проследена со препознатливи, често цинчични и саркастични текстови кои станаа нивен заштитен знак.
Корените на бендот извираат од кумановската андерграунд сцена, со иницијативи поврзани со Музичката младина на Куманово и култното списание „ММ“, каде се раѓаат првичните идеи и демо-снимки што подоцна ќе прераснат во звукот на Т.Б. Трачери. Кон средината на 90-тите години, бендот започнува да настапува во живо и брзо привлекува внимание со својата енергична и автентична сцена.
Во текот на своето постоење, Т.Б. Трачери објавија неколку албуми и култни изданија, вклучувајќи „Клати и тркалај“, „Купи ме“, „Шлагери од Содома“ и „Кинки во нервозна џунгла“, кои и денес важат за значајни дела во македонската рок дискографија.
Бендот настапуваше на бројни фестивали и клубски сцени низ земјата, и со текот на времето, стекна култен статус меѓу љубителите на алтернативниот звук. Последните активности ги забележуваат до 2012 година, по што следеше повлекување од сцената.
Иако денес не се активни, Т.Б. Трачери остануваат запаметени како бенд кој, со својот специфичен стил, хумор и енергија, ја обликуваше македонската андерграунд рок култура.
