Женската одбојкарска репрезентација на Македонија започнува нов циклус подготовки
Женската одбојкарска репрезентација на Македонија на 20 јули во 12 часот ќе стартува со подготовките за квалификациите за Европското првенство 2026. Селекторот Стефан Пауновиќ го редуцираше списокот на 18 одбојкарки, кои ќе се појават во Маврово.
Новиот селектор се потпира на проверени атлети, бидејќи овие одбојкарки учествуваа во претходните натпревари, каде играа во некои од шесте натпревари од Европската Сребрена лига минатиот месец. Исклучок се коректорите Мери Бошковска, која поради повреда не можеше да учествува, и Андротеа Милевска, која ги заврши подготовките со А селекцијата и потоа ја водеше репрезентацијата до 19 години на Балканскиот шампионат во Тирана, Албанија.
Женската репрезентација ќе остане во Маврово една недела, а потоа ќе се преселат во Скопје, каде ќе тренираат уште една недела пред првиот квалификациски натпревар со Грција на 3 август во Спортски центар „Борис Трајковски“ во Скопје. На 9 август, следува натпреварот против Австрија во Виена.
