25-годишен младеж загина во сообраќајна несреќа која се случи вчера во близина на Старо Нагоричане. Во инцидентот е повредена и 20-годишна девојка.
На 15.02.2026 година, околу 19:05 часот, од СВР Куманово беше пријавено дека на магистралниот пат Куманово-Крива Паланка, на локацијата позната како „Смилчинци“, патничко возило „Фолксваген Голф“ со регистарски ознаки од Криво Паланка, управувано од С.Т., 25 години стар од село Нерав, удрило во скитничко куче. По ова, возилото преминало во спротивната сообраќајна лента и се судрило со патничко возило „БМВ“ со истите регистарски ознаки, кое го управувал Ф.Ј., 27 години стар од село Длабочица.
Според полицијата, во несреќата тешки телесни повреди претрпеле и двата возачи, како и сопатничките во „БМВ“, А.С. (20) и С.Ј. (53), двете од Крива Паланка. Тие се пренесени во Општа болница Куманово, но возачот С.Т. им подлегнал на повредите. Лекарот констатирал смрт, а по наредба на јавен обвинител, телото на починатиот е упатено на обдукција. Извршен е увид од екипа на СВР Куманово.
