Во следната сезона, управата на Еурофарм Пелистер одлучи да му ја доверува организацијата на играта на словенечкиот среден бек Миха Котар. Овој 27-годишен играч потпиша двогодишен договор со „зеленобелите“ и доаѓа од редовите на српскиот првак, Партизан.
Котар е роден во Требње и своите први ракометни чекори ги направи во клубот Тримо Требње. Го достигна врвот на кариерата во Словењ Градец, а во последните две сезони настапуваше за белградски Партизан.
„Со ангажманот на Котар, нашиот клуб добива квалитет, искуство и вредност во тимот“, истакнаа од Еурофарм Пелистер.
Официјалното претставување на Котар е закажано за јули, на почетокот на подготовките за сезоната 2026/27.
Дополнително, Еурофарм Пелистер планира да ангажира уште еден играч на истата позиција во следниот период.
