Наскоро Мазда на пазарот лансира ново купе, кое ќе му конкурира на моделот Audi A5. Ова го соопштија повеќе светски медиуми, од извори блиски на компанијата, а според нив новата купе верзија на Mazda6 ќе се појави на пазарот во почетокот на 2014 година.
Најмоќниот мотор што ќе се нуди во новиот модел е турбо дизелскиот агрегат со зафатнина од 2.2 литри и моќност од 175 КЅ. Овој мотор ќе биде достапен само за верзијата Sport. Во подоцнежна фаза ќе се појави и кај набилданата верзија Mazda6 MPS, која ќе има и 2.0 литарски бензински мотор SkyActiv-G, со моќност од 265 КЅ и ќе биде со систем со погон на сите тркала.
Новата Mazda6 беше прикажана ова лето на салонот во Москва, по што се појави и пред публиката во Париз. Моделот се нуди во верзии седан и комби, а е опремен со бензински мотори SkyActiv-G и со дизел агрегати SkyActiv-D, кои се комбинирани со рачен или автоматски менувачи.
Објавено во соработка со Авто Плус.
