Млада Уметница со Голем Потенцијал
Таа е еднa од оние пејачки што припаѓаат на новата генерација со потенцијал да станат идни ѕвезди на македонската музичка сцена. Од најмала возраст, со својот глас, харизма и уникатен стил, успева да привлече внимание.
Како пејачка, текстописец и инструменталист, но и поранешна ракометарка, денес таа е амбициозна студентка која со страст и интегритет го гради својот пат во музиката. Уметник што се развива пред нашите очи, но со длабочина и зрелост кои се реткост.
Незината кариера започна на само четиригодишна возраст, кога првпат се појави на детскиот фестивал „Поточиња“. На 12 години, таа издава својот прв албум со детски песни и учествува во значајни интернационални детски фестивали како „Славјански базар“ во Витебск и „Откритија Европа“ во Москва. Круна на нејзиниот напредок беше учеството на Детската Евровизија во Минск во 2018 година со песната „Дома“.
Натпреварувањето за млади таленти, меѓу кои е и регионалното IDJ Ѕhow, ја истакнува пред пошироката јавност, а нејзиниот успех и овозможува да добие улога во мјузиклот посветен на Тоше Проески – „Тајно моја“.
Нејзината најголема афирмација доаѓа преку авторските песни и учеството на „Макфест“, каде што со динамични настапи освојува младиот дел од публиката. Нејзиното учество во проектот со обработка на познати македонски народни песни „Македонијо, во срце те носиме“ е дополнителен доказ за нејзините вокални способности.
Покрај музиката, таа пишува текстови и компонира, а во една фаза е активна и во спортот како член на ЖРК Вардар. Сепак, музиката на крајот победува, во пета потрага по успешна кариера.
Од октомври 2024 година, таа студира бизнис, администрација и менаџмент на City College – Универзитетот на Јорк во Солун, каде што веќе е прогласена за најдобар студент на генерацијата во првиот семестар.
Активно продолжува со музичката кариера, создава нови авторски песни и настапи, и работи на нови проекти, вклучувајќи второто продолжение на проектот „Македонијо во срце те носиме“.
Спонтана, искрена и насмеана, Марија Спасовска се истакнува како мулти‑талентирана уметница со забележителна музичка историја. Нејзините авторски дела и меѓународни настапи потврдуваат дека е еден од лидерите на новата генерација македонски авторки и поп-пејачки.
Како посветена студентка и млад лидер, таа е инспирација за многумина од нејзината генерација. Нејзината приказна, од „Поточиња“ до „Макфест“, ја раскажува во најновото издание на интер ток шоуто „Ништо лично“ со Антонио Димитриевски. Премиерата на емисијата е најавена за вечерва.
