Магловито утро во Гостивар, намалена видливост на повеќе патни правци во земјава

Во Гостивар утрово има појава на магла и ниска облачност, која според метеоролошките прогнози во текот на денот ќе слабее. За возачите препорачна е зголемена внимателност, а за лицата со респираторни проблеми и кардиоваскуларни болести да го намалат времетраењето на престој на отворено.
Автомото сојузот на Македонија соопшти дека поради магла, намалена видливост од 50 до 100 м има на планинскиот премин Страцин, Битола, Прилеп, Македонски Брод, Кочани, Делчево, Струмица и Петровец.
Сообраќајот на останатите државни патишта се одвива во зимски услови, по претежно влажни коловози. Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Од АМСМ со потсетување дека од 15.11.2024 година започна законската обврска за задолжително поседување на зимска опрема во возилата, без оглед на моменталната временска состојба, која ќе трае до 15.03.2025 година.

Извор