Во неделата рано наутро, британската полиција уапсила две лица поради обид за подметнување пожар во синагогата Kenton United на северот од Лондон. Антитерористичката единица започнала истрага за можната поврзаност на овој инцидент со серија неодамнешни напади насочени кон еврејски цели, за кои се смета дека може да имаат врска со Иран.
Според информациите од полицијата, приведени се 17-годишник и 19-годишник, а во пожарот што се случил е причинета само мала штета од чад, со среќа без повредени. Овој инцидент е само последниот во низата напади на еврејски објекти во Лондон во последните недели, кои вклучуваат обиди за запалување на други синагоги и оштетување имот поврзан со еврејската заедница.
Британските безбедносни служби истакнуваат дека откако започна конфликтот во Газа и нападите од октомври 2023 година, бројот на инциденти насочени против еврејски цели значително се зголемил. Дел од истраагите ги проучуваат возможните врски со посредници поврзани со ирански структури.
