Американската скијачка Линдзи Вон денес се врати во Соединетите Држави, по една недела помината во болница во Тревизо. На 41-годишната Вон ѝ се случи фрактура на ногата по падот во олимписката трка во спуст.
„Не сум стоела на нозе повеќе од една недела… Бев имобилизирана во болничкиот кревет по трката. Иако сè уште не можам да се движам, чувството е неверојатно да се вратам дома“, напиша Вон на социјалната мрежа „X“, придружувајќи го постот со емотикон на американското знаме.
„Голема благодарност до сите во Италија што се грижеа за мене со толку многу љубов“, додаде таа.
Вон, која имаше најмалку три операции на скршена лева нога во Италија, веќе е известена дека ќе ѝ бидат потребни нови операции и во родната земја. Девет дена пред почетокот на Зимските олимписки игри, таа го повреди левото колено при тренинг за спуст во Кран Монтана. И покрај повредата, реши да учествува на Игрите во Милано и Коритна.
На 8 февруари, таа заврши со спустот по само 13 секунди и беше префрлена со хеликоптер во болница. Следниот ден ја потврдија комплексната фрактура на тибијата, за која се потребни повеќе операции за правилно закрепнување.
