Американскиот рапер Канје Вест реализираше незаборавен концерт на Олимпискиот стадион Ататурк во Истанбул, пред повеќе од 118.000 присутни, што според организаторите, е нов рекорд за посетеност на стадионски концерт. Настапот започна во 21 часот по локално време и уште пред самиот почеток предизвика огромен интерес кај фановите. Вест се појави на специјално изградена сцена, обликувана како планетата Земја, додека на отворањето беа емитувани синхронизирани светлосни ефекти што ја осветлија целата арена.
Концертот прерасна во целонасочен музички спектакл со настапи на диџеи, ласерски и светлосни шоу-програми, како и учество на турски уметници. На сцената му се придружи и раперот Тревис Скот, претворајќи го настанот во вистински музички фестивал што траеше до доцна во ноќта.
Големиот број на посетители предизвика значителни сообраќајни метежи во делови од Истанбул. Илјадници луѓе се упатуваа кон стадионот уште од попладневните часови, а најголем притисок беше забележан во метрото, особено на линијата М9 Атакој–Олимпијад. На концертот присуствуваа обожаватели од цела Турција, како и гости од Русија, Казахстан, Обединетото Кралство, Германија, САД и Полска.
