Како би изгледал iPhone ако бил произведен во 1986-тата?

Apple стана најскапата компанија на светот, пред сé благодарение на нивниот извонреден успех со мега-популарниот iPhone. Преку половина билион Ајфони се продадени по објавувањето на оригиналната верзија во 2007-та. Но, дали некогаш сте се запрашале како би изгледал iPhone ако бил направен уште во 1984-тата?

Пјер Серву не само што се запрашал, туку преку својот „Macintosh Phone Concept“ ни ја претставува неговата инспирација земена од еден од најпопуларните продукти на Apple – Macintosh 512k.

Назад сме во 1986-та, а тоа значи само едно – телефонот има хибридно ротирачко бројно тркало, овој пат со две опции. Едната е бирање на броеви при повик, а другата е „скролање“ (навигирање) низ опциите во менито, прикажани на мал CRT дисплеј. За да ја користите едната или другата, потребно е соодветно да го подесите прекинувачот до бројчаникот.

Задната страна несомнено го имитира задниот вентилатор на оригиналниот Macintosh, со тоа што има само еден 9-пински порт, кој, верувале или не, би овозможил комуникација на овој ретро смартфон со денешните модерни уреди.

Единствена маана на концептот на Пјер е тоа што Macintosh Phone 512kb не изгледа доволно дебел за да ги собере потребните осум АА-батерии, кои патем би се трошеле на секои 5 часа.