Младата музичка сензација, Јаков Јозиновиќ, на прес-конференцијата во Скопје, официјално најави својот прв концерт во Македонија, кој е закажан за 9 април оваа година во арената „Јане Сандански“.
Пред бројните претставници на медиумите, Јаков сподели информации за подготовките на неговата голема регионална турнеја, насловена „Ја за чуда летим“, во рамките на која се наоѓа и концертот во Скопје. Со рекордниот интерес на публиката, оваа турнеја несомнено ќе биде значајна за регионалната музичка сцена. Популарниот хрватски пејач направи потемна сензација и со својот успех ги надмина сите очекувања. Само во Белград, Јаков оствари неверојатно 6 распродадени концерти во „Сава Центар“, од кои првиот беше распродаден за само 30 минути. Во Љубљана, тој го сруши рекордот во продажба на билети со два термина во арената „Стожице“ и повеќе од 20.000 продадени влезници, а на листата на распродадени концерти се наоѓаат и Марибор, Загреб, Нови Сад, Риека, Сплит, Осиек и многу други градови.
Македонската публика на 9 април ќе има уникатна можност да го доживее концертниот спектакл на Јозиновиќ, кој вети посебна вечер, осмислена како единствена концертна целина која на оригинален начин ќе ја пренесе неговата сценска енергија, емоција и изненадувања. Продукцијата ќе биде на највисоко ниво, а таа посветеност на деталите и желбата на публиката да добие повеќе од само концерт, ја прави актуелната турнеја најочекуван музички настан на годината.
Јаков не може да ја сокрие радоста поради големиот успех, но нагласува дека сè доживува спонтано, како остварување на сон што го живее од ден во ден.
„Сите случувања околу мојата кариера ми покажаа дека на Балканот сме една голема заедница и тоа многу ме радува“, изјави Јаков на средбата со новинарите, додавајќи дека за посетителите на концертот во Скопје подготвува незаборавна вечер со повеќе изненадувања, вклучително и македонски хитови кои ексклузивно ќе ги вклучи во сет-листата за овој настан.
По прес-конференцијата, младата ѕвезда во подем трпеливо одговараше на изјави, разговараше и снимаше интервјуа со многу медиуми, вклучувајќи ги најгледаните македонски телевизии и најчитаните портали.
Во неговата биографија, првиот поголем успех на Јаков е учеството во натпреварувачкото шоу „Суперталент“, каде што со својот глас и изведбата на песната „Bohemian Rhapsody“ го воодушеви жирито. Потоа, тој активно работеше на својот вокал и кариера, и за кратко време ги освои симпатиите на публиката низ целиот регион со интерпретации на песни од Оливер Драгојевиќ, Здравко Чолиќ, Ѓорѓе Балашевиќ, Кемал Монтено, Масимо Савиќ и многу други музички ѕвезди.
Денес, тој има милионски прегледи на социјалните мрежи и распродадени арени. Недавно, објави два нови сингла, првиот „Поље ружа“ и вториот „Ја волим“, кои привлече посебно внимание, станаа хит на социјалните мрежи и ги освоија врвовите на топ-листите, потврдувајќи ја неговата зголемена популарност во регионот.
Билетите за концертот на Јаков Јозиновиќ во Скопје се достапни на сите продажни места на МкТикетс и онлајн.
