Сезоната во НБА продолжи по Ол Стар викендот со натпреварот помеѓу Лос Анџелес Лејкерс и Шарлот Хорнетс, каде гостите приредија изненадување и триумфираа со резултат од 100:97.
Фокусот на средбата беа главните ѕвезди на Лејкерс. Лука Дончиќ имаше потешкотии во реализацијата,додека Леброн Џејмс во завршницата не успеа да погоди две обиди за тројка,кои ќе му обезбедеа продолженија на тимот.
Лејкерси добро го започнаа дуелот, контролирајќи го првото полувреме кое го завршија со водство од 48:37. Сепак, Шарлот го одигра фантастично третиот период, надополнувајќи ја разликата со серија од 32:18, што целосно го промени текот на натпреварот.
Во последните дванаесет минути, мечот влегуваше од еден во друг пресврт. Лејкерси на моменти изгледаа како да се на пат да ја осигураат победата, поведувајќи со 88:85. Но, со серија од 8:2, Шарлот го презеде водството (93:90). Дончиќ постигна два поени за нов пресврт во корист на Лејкерс (94:93), при што останаа уште 63 секунди до крајот.
Ламело Бол возврати со тројка во следниот напад,додека Руи Хачимура не успеа да реализира две слободни фрлања,давајќи му дополнителна шанса на Шарлот да зголеми на 98:94. Леброн Џејмс сепак погоди тројка шест секунди пред крајот, намалувајќи на 98:97, но Брџис веднаш беше фаулиран и реализираше од линијата за слободни фрлања.
Во последниот напад Лејкерси добија можност, но Џејмс двапати промаши за три поени, што означи крај на натпреварот.
Најдобар поединец кај Шарлот беше Бриџис со 29 поени, додека Ламело Бол дополни со 27. Кај Лејкерс, најпродуктивен беше Џејмс со 26 поени, 11 асистенции и седум скока, додека Хачимура постигна 17, а Дончиќ заврши со 14 поени (шут 5/18), придодавајќи 11 скока и осум асистенции.
