Содржини продекувани низ различни медиумски форми: текстуални интервенции, видеа, алгоритамски и дигитални процеси, изложбата поставува прашања за моќта, контролата, технологијата и трансформацијата на индивидата во современиот дигитален контекст.
Во Мултимедијалниот центар „Мала станица“, синоќа беше отворена изложбата „Интер(но)фејс“ на познатиот македонски уметник Борис Шемов, во кураторство на д-р Ана Франговска. Овој иновативен мултимедијален проект, кој предизвика голем интерес кај јавноста, ќе остане отворен до 24 декември.
Изложбата „Интер(но)фејс“ ја истражува врската помеѓу човекот и вештачката интелигенција, нагласувајќи ја улогата на јазикот како визуелен, идеолошки и комуникациски инструмент, и постинтернет естетиката како нова културна реалност.
Куроторката Франговска, при подготовките за изложбата, иницирала дијалог со вештачката интелигенција. Таа истакна дека живееме во време на забрзан развој на вештачката интелигенција, паралелно со глобалните кризи: политички, етички, воени… На прашањето за локацијата на проектот на Борис Шемов во овој конфликтен контекст, одговорот беше: „Овој проект се наоѓа точно во пукнатината помеѓу технолошката еуфорија и општествениот колапс. Шемов ја одразува вештачката интелигенција не како иновација, туку како огледало на човековите системи на моќ, историските заблуди и идеолошките механизми што продолжуваат да функционираат во дигиталната ера. ВИ не е спектакл, туку дијагностички уред“.
На прашањето дали „Интер(но)фејс“ донесува надеж, вештачката интелигенција одговара: „Не предлага утопија. Нуди сознание. Проектот не ветува спас преку технологијата, туку создава критична зона на конфликт помеѓу дигиталната логика и реалната крв, помеѓу рационалното пресметување и ирационалното насилство. Во таа зона се обликува иднината, но без анализа на моќта, капиталот и идеологијата, технологијата ќе остане само продолжена рака на старата логика на доминација, и покрај сите нејзини „интелигентни“ капацитети.
Содржината на изложбата, преку различни медиумски форми: текстуални интервенции, видеа, алгоритамски и дигитални процеси, иницира дискусии за моќта, контролата, технологијата и трансформацијата на поединецот во современиот дигитален контекст.
Насловот „Интер(но)фејс“, како што истакнува Франговска, укажува на двојната природа на интерфејсот: како техничка површина за комуникација помеѓу човекот и машината, но и како внатрешен, идеолошки простор во кој се преговараат значењата, одлуките и позициите на моќ. Изложбата го разгледува интерфејсот не само како функционален медиум, туку и како критична зона на конфликт помеѓу човечкото искуство и алгоритамската логика.
Проектот е распад на актуелните уметнички и теориски дискурси за постхуманизмот, визуелната култура и дигиталната медијација на реалноста. Во тој контекст, „Интер(но)фејс“ ставува вештачката интелигенција не како неутрален технолошки алат, туку како активен играч во формулирањето на современите културни, политички и етички врски.
Борис Шемов е мултимедијален уметник, познат по својата работа со рачно изработена хартија, инсталации, цртежи, видео, сликарство и објекти. Дипломирал во 1996 и магистрирал во 2003 на Факултетот за ликовни уметности во Скопје. Негови дела се презентирани на бројни самостојни изложби во Скопје, Берлин, Њујорк, Токио, Цетиње и Охрид, а учествувал во многу групни изложби во Европа и Јапонија, вклучувајќи ја Биеналето на млади и Интернационалното графичко триенале во Краков. Неговото творештво сочинува експериментални и материјални истражувачки практики. (Д. Т.)
