Министерството за екологија, одржлив развој и северен развој ги повикува сите корисници на чамци, туристи и граѓани да се вклучат во заштитата на китот, кој неодамна беше забележан во Бока Которскиот Залив.
Овој настан е исклучително редок и претставува важен природен феномен во водите на Црна Гора.
„Затоа, Министерството апелира до сите да не се приближуваат кон китот и да не го вознемируваат со свои дејствија. Ве молиме да ја намалите брзината на вашите пловила во близина на местото каде што е забележан китот и да следите можните движења на животното под површината. Избегнувајте користење на подводни средства кои би можеле да го вознемират или дезорентираат“, се истакнува во соопштението.
Министерството исто така повика на итно пријавување на секое видување на кит или подозрително повредено животно до надлежните институции, вклучувајќи ја Управата за поморска безбедност и управување со пристаништата и Институтот за морска биологија.
