Фудбалската репрезентација на Иран, по добиено одобрение од ФИФА, ќе го премести својот камп за Светското првенство од Соединетите Американски Држави во Мексико. Ова го изјави претседателот на Иранската фудбалска асоцијација, Мехди Таџ, во саботата.
Досега, ФИФА не го потврди преместувањето на кампот, но Таџ објави дека сите бази на националните тимови учесници на Светското првенство треба да бидат одобрени од оваа организација.
„Среќа е што по нашите барања и средбите со претставниците на ФИФА и Светското првенство во Истанбул, како и вчерашниот разговор со генералниот секретар на ФИФА, нашето барање за прелог на кампот од САД во Мексико беше прифатено“, изјави тој.
Иранската репрезентација ќе биде сместена во Тихуана, Мексико, наместо во Тусон, Аризона. Таџ посочи дека кампот во Тихуана е добро лоциран, блиску до Тихиот Океан и границата со САД, што би можело да помогне во решавањето на потенцијалните визни проблеми при влезот во Американските Држави.
Во изминатите недели, иранските власти се жалеа дека играчите и членовите на тимот сè уште не добиле визи за патување во САД. Светското првенство во фудбал ќе се одржи од 11 јуни до 19 јули во САД, Канада и Мексико, а Иран планирува да ги одигра своите први два натпревари во Лос Анџелес против Нов Зеланд и Белгија, а третиот во Сиетл против Египет.
