Калчолигашот Интер одби понуда од лондонскиот Челзи за дефанзивецот Алесандро Бастони, како што ја пренесува италијанскиот весник „Ла Газета дело Спорт“.
Според информациите, премиерлигашот понудил 50 милиони евра за 26-годишниот италијански репрезентативец, но Интер одлучил да ја отфрли таа понуда.
Бастони минатата сезона забележа 57 настапи, постигнувајќи два гола и додавајќи шест асистенции.
Италијанскиот фудбалер беше поврзуван и со трансфер во Барселона, но шпанскиот шампион се повлече од разговорите со Интер поради високата цена која беше поставена за него.
