Аерозагадувањето е сериозен проблем, особено во форма на PM честички, издувни гасови од дизел возила, полициклични ароматични јаглеводороди и бензен кои се присутни во издувите на автомобили. Покрај тоа, одредени тешки метали од индустриските процеси и различни соединенија кои настануваат при согорување на дрва, јаглен и нафта се сметаат за канцерогени од прва група. Овие супстанции имаат докажано штетно влијание, што значи дека предизвикуваат рак кај луѓето. Според Меѓународната агенција за истражување на ракот, ова е основен проблем кој не смее да се занемари.
