Тиери Анри (48), легендарниот француски фудбалер и актуелен коментатор, остави напаѓачот на Атлетико Мадрид, Антоан Гризман (35), без зборови со својата порака откако „јорганџиите“ се изборија за полуфинале во Лигата на шампионите.
Атлетико ја елиминираше Барселона со 3:2 во драматичното четвртфинале, а Гризман, по завршувањето на натпреварот, се приклучи на програмата на Си-Би-Ес.
Искусниот напаѓач, кој следната сезона ќе премине во тимот на Орландо Сити во американската лига, сподели свои впечатоци за натпреварот со Анари.
Наместо стандардното интервју, поранешната ѕвезда на Арсенал искористи моментот за да му се заблагодари на Гризман.
„Антоан, имам нешто важно да ти кажам“, започна Анри на француски. „Ти благодарам за сè што направи за францускиот фудбал, за репрезентацијата и за фудбалот воопшто. Ни даде многу.“
Гризман, кој одигра 137 натпревари за Франција и беше дел од генерацијата што го освои Светското првенство во 2018 година, беше изненаден и кратко остана без зборови.
Од еден француски легенд до друг
Порака на благодарност од Тиери Анри до Антоан Гризман за сè што направил за францускиот фудбал
— Спортска програма
(@СпортскаПрограма) 14 април 2026
Пофалби за Гризман дојдоа и од неговиот тренер, Диего Симеоне, кој го опиша како фудбалски гениј.
„Со текот на времето, ќе сфатиме дека имавме тука еден вистински талент, играч кој прави разлика, со искуство и карактер“, рече Симеоне. „Се надевам дека Бог и судбината ќе му го донесат она што го посакува во текот на времето што му преостанува со нас.“
По натпреварот, Гризман остана на теренот на стадионот „Метрополитано“, наслаждувајќи се во атмосферата со навивачите.
„Се надевам дека ќе можам да помогнам на моите соиграчи да создадеме нешто прекрасно, нешто историско оваа сезона. Нашите навивачи тоа го заслужуваат“, изјави тој за новинарите на излегување од стадионот.
„По натпреварот, останав неколку минути на теренот, уживајќи во песните и атмосферата, што беше фантастично. Сега продолжуваме понатаму.“
Фото/ EPA
