Во 2025 година, глобалните фудбалски менаџери постигнаа рекорден профит според податоците од ФИФА.
Според извештајот на Меѓународната фудбалска федерација, во периодот од 1 јануари до 1 декември 2025, менаџерите ангажирани во трансферите во машкиот фудбал оствариле заработка од неверојатни 1,37 милијарди долари. Овој износ значително ја надминува претходната рекордна заработка од 889,4 милиони долари забележана во 2023 година.
Најголем дел од средствата, во висина од 375 милиони долари, дојде од англиските клубови, додека клубовите во Германија се на второто место со 165 милиони долари.
Исто така, фудбалските менаџери постигнаа рекордна заработка во женскиот фудбал, која достигна 6,2 милиони долари. Оваа бројка е двојно поголема од онаа во 2024 година и 13 пати повеќе во споредба со 2020 година, согласно соопштението од ФИФА.
Како што беше наведено, до 4 декември оваа година, во светот имало 10.525 лиценцирани фудбалски менаџери.
