Лице со меѓународна потерница екстрадирано во Македонија
Од Дубаи во Македонија е екстрадирано лице кое било предмет на меѓународна потерница, што е првиот случај на екстрадиција од Обединетите Арапски Емирати во нашата земја. Според информации од Министерството за внатрешни работи, се работи за Флорим Лимани (33), кој бил баран за издржување затворска казна од три години и шест месеци поради кривично дело „недозволено изработување, држење и тргување со оружје или распрскувачки материјали“. Екстрадицијата се реализираше денес, и надлежните органи истакнуваат дека ова е прв пат лице барано од македонските власти да биде предадено од Обединетите Арапски Емирати врз основа на меѓународна потерница.
