Од Факултетот за ликовни уметности на УКИМ во Скопје, особено од Катедрата за сликарство и трансмедиумски практики, изразуваат гордост што студентите Дефне Еминовска, Јоана Арсовска и Бојан Вртев, добитници на престижната награда „Четири мајстори на модернизмот“, посветена на основоположниците на ФЛУ Петар Мазев, Димитар Кондовски, Родољуб Анастасов и Душан Перчинков, ќе ги претстават своите уметнички дела на лична изложба под наслов „Затаени мигови“. Овој настан, под внимателното водство на редовниот професор м-р Антони Мазневски, ќе се одржи во Галеријата на ФЛУ на 5 мај 2025 година (понеделник), со почеток точно во 20:00 часот. Ве покануваме од срце да бидете дел од ова значајно случување и да дадете поддршка на претставувањето на новата генерација уметници!
