Сончево и жешко денес; од утре попладне можни поројни дождови и грмежи
Според Управата за хидрометеоролошки работи (УХМР), денес времето ќе биде претежно сончево со мала до умерена локална облачност.
Ќе дува слаб до умерен северен ветер, а долж Повардарието и во источните краишта повремено ќе засилува.
Дневните температури ќе се движат околу 28 °C во Маврово, околу 30 °C во Охрид, и до 36 °C во Скопје, Велес, Демир Капија и Гевгелија.
Жешкото време ќе се задржи и утре во најголемиот дел од земјата, со слична облачност.
Од утрешното попладне се очекуваат услови за локална нестабилност со пороен дожд, грмежи и засилен ветер, соопштуваат од УХМР.
