Наслов: Сончев и топол петок со можни попладневни нестабилности
Во петок низ целата земја ќе преовладува сончево и топло време со мала до умерена облачност. Попладне, на места, се очекува развој на нестабилност проследена со краткотраен дожд, грмежи и засилен ветер. Ќе дува слаб до умерен ветер од променлив правец.
Утринските температури ќе бидат меѓу 15 и 20 степени, а дневните максимални ќе достигнат од 28 до 37 степени Целзиусови.
Во Скопје и околината денеска ќе биде претежно сончево и топло со мала до умерена облачност. Во делови од котлината можно е локална нестабилност со дожд, грмежи и засилен ветер.
За време на викендот и на почетокот на следната недела, под влијание на топла воздушна маса, ќе продолжи стабилно, сончево и многу топло време. Температурите секаде ќе бидат над 30 степени, а локално ќе се искачат и до околу 39 степени. Во вторник ќе остане топло, со зголемување на облачноста и услови за пороен дожд. Во среда се очекува мало намалување на температурите и нестабилно време со пороен дожд и грмежи.
