Сончево и жешко, попладне можни поројни дождови
Денес и утре ќе преовладува сончево и многу топло време со мала до умерена, локално зголемена облачност. Попладне се можни изолирани појави на краткотраен пороен дожд и грмежи. Ќе дува слаб до умерен ветер од променлив правец, соопшти Управата за хидрометеоролошки работи (УХМР).
Во Скопје ќе биде слично: претежно сончево и многу топло со мала до умерена облачност. Ќе дува слаб до умерен северозападен ветер, а попладне во делови од котлината постојат услови за пороен дожд и грмежи.
И утре се очекуваат многу високи температури, локално до околу 40 степени Целзиусови.
Во вторник времето ќе стане нестабилно со пороен дожд, грмежи и засилен ветер. Во среда ќе засили северниот ветер, а температурите ќе се спуштат за неколку степени.
