На Втората научна конференција „Безбедносни култури – Поглед од Балканот“, која се одржа вчера во Скопје, се дискутираше за важността на безбедносната култура, демократската отпорност и современите безбедносни политики. Настанот, кој беше организиран од страна на Фондацијата „Фридрих Еберт“ – канцеларија Скопје, отвори важна дебата за улогата на културните, политичките и институционалните фактори во справувањето со актуелните предизвици во областа на безбедноста.
