Градоначалникот на Скопје, Орце Ѓорѓиевски, ја потврди информацијата.
„Сторителот е пронајден и веднаш постапуваме! Никој не смее да го загрозува здравјето на скопјани! Вечерва, на социјалните мрежи се појавија фотографии кои предизвикаа загриженост меѓу граѓаните, но ние веќе презедовме мерки. Согласно наредбата од Инспекторатот на Град Скопје, е извршен вонреден инспекциски надзор на булеварот „Александар Македонски“ во Општина Гази Баба. Овластените инспектори веднаш излегоа на терен и направија детален увид во состојбата.
На теренот беше затекната алармантна ситуација, отстранувајќи масивно истекување на хемиска пена од средишната шахта, потекнала од правен субјект во непосредна близина.
Се работи за сериозно нарушување на законските прописи и непосредно загрозување на животната средина. Надлежните институции веднаш интервенираа. Убаво се земени проби од шахтата, од површината и од самиот пеномат.
Утре, ќе биде спроведена детална анализа на елаборатот за животна средина кој субјектот е должен да го поседува, за да се утврдат причините и можните неправилности во неговата работа.
Врз основа на утврдената состојба и собраните докази, ќе бидат преземени најстроги санкциски мерки кон правното лице. Никакво отстапување не ќе биде дозволено; секој кој го нарушува законот, ја загадува околината и го загрозува здравјето на граѓаните, ќе се соочи со целосната сила на институциите“, истакна Ѓорѓиевски на својот профил на социјалната мрежа.
