Дуа Липа доби државјанство на Косово
Косовската претседателка Вјоса Османи ја пречека познатата поп-ѕвезда Дуа Липа во Приштина, каде што ѝ додели државјанство на Република Косово преку претседателски указ. Во објава на својот Фејсбук профил, Османи истакна дека ова е „посебна чест“ за земјата, нагласувајќи ја важноста на Липа како културна и уметничка фигура во историјата на Косово.
„Добредојде дома, Дуа. Ти си еден од најмоќните гласови на светската сцена, пишувајќи историја со твоите успеси и постанувајќи инспирација за многумина“, напиша Османи.
Претседателката го пофали придонесот на Липа за промоција на Косово на глобалната сцена, охрабрувајќи ја младата генерација и поддржувајќи ја уметноста во регионот.
„Косово секогаш ќе се гордее со тебе“, заврши Османи.
Дуа Липа е британска поп-пејачка и глумица со албанско потекло, родена во Лондон, и е лауреат на 7 „Брит“ награди и три „Греми“ награди за својата музика.
