Инцидент во Белорусија: Напад врз автобус со деца
Белорусија официјално побара детално објаснување од Украина по нападот што се случи врз автобус во кој се превезуваа деца од Белорусија кон Русија, соопшти Министерството за надворешни работи на Белорусија. Според нив, овој инцидент го сметаат за нов акт на тероризам насочен против цивили.
„Според нашето мислење, станува збор за уште еден терористички напад наменет за цивилното население“, изјави портпаролот на Министерството, Руслан Варанков.
Гувернерот на Брјанската област, Јегор Ковљачук, информираше дека автобусот бил погоден од напад со дрон, за кој руските власти ги обвинуваат украинските сили. Внатре во автобусот се наоѓале деца, членови на фудбалски клуб, кои патувале кон Геленџик на одмор. Во нападот, една жена, која била придружник на децата, загинала, а шест деца се здобиле со повреди.
Руското Министерство за надворешни работи исто така се огласи, а портпаролката Марија Захарова го оцени нападот како „терористички од киевскиот режим“. „Ова е уште еден терористички напад од страна на киевскиот режим, кој таргетира цивили, особено деца“, изјави Захарова.
Украинските власти засега немаат официјален став во врска со обвинувањата.
