Германската железничка компанија „Дојче Бан“ информираше дека ги обновува железничките услуги по прекините што се случија синоќа. Возовите ширум земјата беа запирани по полноќ поради нарушување на комуникацискиот систем, што влијаеше на функционирањето на целата мрежа. Првичниот проблем со дигиталниот комуникациски систем ГСМ-Р беше регистриран 90 минути пред запирањето на возовите. Компанијата им се извини на патниците за непријатностите и работи на решавање на ситуацијата.
