ЕВН Македонија АД известува дека денес ќе има планирани прекини во снабдувањето со електрична енергија во повеќе области поради технички интервенции на електричната мрежа.
Во периодот од 08:30 до 11:30 часот, без струја ќе останат корисниците од РТВ предавател Водно, кулата АЕК Водно, селото Горно Нерези, Етно село Нерези, предавател Космофон, објектот Даре Џамбаз – Водно, објектот на Поштенски дом – Водно, како и селото Горни Крушопек (Општина Карпош).
Од 08:30 до 16:00 часот, прекин ќе има за дел од корисниците во село Морани и викенд населбата Морани (Општина Студеничани).
Во периодот од 09:00 до 14:00 часот, корисниците на улица 10 во село Ржаничино (Општина Петровец), како и дел од улиците Иван Аговски и Никола Тесла (Општина Карпош), ќе останат без електрична енергија.
Од 09:00 до 14:30 часот, без струја ќе бидат дел од селото Мирковци (Општина Гази Баба), а од 11:00 до 14:00 часот, прекин е најавен за дел од улиците 13 и 14 во село Ржаничино (Општина Петровец).
ЕВН апелира до граѓаните да ги организираат своите активности во согласност со најавените прекини.
