Режисерот Дејан Пројковски ја доби меѓународната награда за режија на 11. Интернационален театарски фестивал во Истанбул.
Според објавата на Министерството за култура и туризам на Фејсбук, ова е втора награда за Пројковски на овој фестивал, откако пред две години веќе беше награден на неговото девето издание.
– Ова издание потврдува континуитет во авторската визија, уметничката зрелост и посветеноста на Пројковски во современиот театар. Тој е еден од најдобрите македонски режисери, и со оваа награда дополнително ја зајакнува својата позиција на меѓународната театарска сцена. Пројковски сега се наоѓа меѓу најистакнатите режисери во регионот, чија работа и уникатен стил добиваат висока оценка не само од странската публика, туку и од театарската критика, истакнува Министерството за култура и туризам.
