Во светот на најбогатите поедници, се случува историска промена – оваа година околу 142 илјади милионери планираат да ја сменат својата адреса, напуштајќи луксузни станови во Лондон и имоти во Франција.
Швајцарија, Соединетите Држави и Обединетите Арапски Емирати и понатаму привлекуваат дел од богатството, но Црна Гора бележи најбрз раст како глобален центар за милионери.
Според податоците на швајцарската компанија Henley & Partners, бројот на милионери кои се преселиле во Црна Гора лани пораснал за импресивни 124 проценти.
Во моментов, околу 2.800 милионери живеат во оваа држава, што е значително помалку во споредба со други земји. И покрај тоа, Црна Гора нуди привлечно окружување надвор од стандардизираниот живот, особено преку програмата за „инвестиции за државјанство“, позната и како „златен пасош“. Според Доминик Волек од Henley & Partners, земјата станува сè поатрактивна поради својата близина до Западна Европа и флексибилните даночни услови.
– Ниските даноци во Црна Гора, со фиксна стапка на данок на доход и отсуство на данок на наследство или подароци, ја прават идеална за одржување на богатството. В дополнение на јадранската крајбрежна зона, луксузните недвижности и медитеранскиот начин на живот, Црна Гора добива сè поголемо внимание од инвеститорите, изјави Волек.
Покрај Црна Гора, раст на бројот на богатите доселеници забележан е и во Малта, Полска, Кина, Костарика, Индија и Латвија. Од друга страна, најголем број на милионери кои се иселуваат доаѓаат од Велика Британија, Кина, Индија, Јужна Кореја, Русија, Бразил, Франција, Шпанија и Германија.
