Израелскиот премиер Бенјамин Нетанјаху изјави дека намерата на неговата земја е да го ослободи Појасот Газа, а не да го окупира. Според него, најефикасниот начин за завршување на војната е разоружувањето на милитантната организација Хамас.
„Хамас сè уште располага со илјадници вооружени терористи во Газа, кои украдeа храна и пукаат врз цивили. Никаква нација не може да ја оправда активноста на геноцидна терористичка група“, истакна Нетанјаху.
Тој нагласи дека војната во Појасот Газа, која започна во октомври 2023 година, би можела да се прекине веднаш, ако Хамас се разоружи и ги ослободи сите преостанати заложници.
Нетанјаху представи пет принципи за завршување на конфликтот, во кои се вклучуваат предавањето и разоружувањето на Хамас, ослободување на сите израелски заложници, обезбедување безбедносни контроли, демилитаризација на Појасот Газа и воспоставување цивилна администрација која не ќе биде израелска.
Тој дополнително рече дека цивилната администрација ќе функционира како преодна влада и веќе постојат неколку кандидати за неа, чии имиња не ги откри.
„Пошто Хамас не демонстрира желба да се разоружи, Израел е принуден да предизвика негово покорување“, изјави Нетанјаху, нагласувајќи дека во моментов Ерусалим контролира 75 проценти од територијата на Појасот Газа.
Тој исто така наведе дека кабинетот за безбедност му наредил на израелската армија да ги уништи преостанатите два упоришта на Хамас, во градот Газа и во бегалските кампови во централниот дел на регионот.
„Тоа е најсоодветниот начин да се окончат воените дејства“, заклучи Нетанјаху.
