Значењето на техничката влада во изборниот процес
Техничката влада претставува суштински механизам за овозможување на фер и демократски избори, истакна пратеникот на СДСМ, Фатмир Битиќи, за време на своето обраќање во Собранието.
„На прв поглед, техничката влада изгледа како тема поврзана со институционална хигиена. Сепак, таа носи со себе многу подлабоки политички прашања. Се промовира како рационализација на системот, како враќање кон нормалноста и ослободување на изборниот процес од привременото решение. Но, овде се наоѓа клучното прашање: дали Македонија конечно успеа да создаде држава во која техничката влада ќе биде непотребна?“, рече Битиќи.
Тој посочи дека техничката влада не е европски стандард, туку производ на слабостите во нашиот систем. „Не произлезе од европски идеал, туку од македонската демократија која се соочи со бројни предизвици. Техничката влада беше дел од Пржинскиот политички аранжман, создаден со помош на Европската Унија во време на длабока политичка и институционална криза. Европската Унија не инсталираше техничка влада заради тоа што тоа е идеален демократски модел, туку поради недостатокот на квалитетно владеење во Македонија“, нагласи тој.
Битиќи предупреди дека укинувањето на техничката влада без вистински реформи може да биде ризичен потег. „Патот до тој ден не подразбира само нејзино механичко отстранување од законодавството, туку бара системска зрелост која ќе ја направи техничката влада непотребна. Техничката влада ќе замине во историјата кога граѓаните ќе знаат дека државата не фаворизира никого пред изборите, не применува принудни механизми и не дели санкции или награди врз основа на партиска лојалност“, изјави Битиќи.
Тој истакна дека актуелните политички состојби покажуваат дека Македонија уште не е подготвена за укинување на овој механизм. „За жал, сме далеку од тој момент. Обрнуваме внимание на загрижувачки слични политички матрици – институции подложни на партиска притисок, закони што се прифаќаат без јавна расправа, а политичкиот дијалог е заменет со демонстрации на бројки. Доколку повторно ги доживуваме тие процеси, тогаш прашањето не е дали сме го надминале Пржино, туку дали повторно се враќаме кон политичка логика која го направи неизбежен“, заклучи Битиќи.
