Бијонсе доживеа непријатна ситуација за време на нејзиниот прв од два концерта на турнејата „Каубојката Картер“, што се одржа во Хјустон, Тексас. И покрај застрашувачкиот момент, таа се однесуваше како вистинска професионалка.
Во саботата, ар-ен-би ѕвездата ја изведуваше песната „16 Carriages“ во автомобил што висеше над публиката на стадионот. Меѓутоа, во неколку моменти, реквизитот се почна да се навалува. Оваа ситуација беше документирана и споделувана на социјалните мрежи, на кои може да се види како Бијонсе седи во врзаниот автомобил, држејќи се за еден од каблите, со сигурносен појас.
„Стој, стој, стој!“, викаше пејачката во микрофонот, додека музиката привремено се исклучи.
Таа остана да виси во воздухот, разгледувајќи околу себе, пред да се насмевне кон обожавателите. За да ги смири, им се обрати: „Ви благодарам на вашето трпение“.
На крајот, Бијонсе беше безбедно спуштена на сцената заедно со автомобилот, а пред да ја напушти, имmah насмевна на публиката, додека светлата се гасеа.
На друго видео на мрежата „Икс“, таа, со насмевка, им рече на присутните: „Ако некогаш паднам, знам дека сите ќе ме фатите!“, што создаде возбуден аплауз помеѓу обожавателите.
Исто така, Бијонсе ја изведе оваа импресивна точка со автомобилот во воздух и во Лондон, Велика Британија.
