Новинарите од португалскиот стратег Жозе Мурињо извлечеа изјава во врска со „вечната тема“ на ривалството меѓу Реал Мадрид и Барселона.
– Барселона? Историски и културолошки, Реал Мадрид не може да се спореди со никаков друг клуб. Затоа и не планирам да се споредувам со никого. Говорам за нас и тоа го правам без двоумење. Се фокусирам на нашите проблеми и на она што можеме да го подобриме. И додека е сè потешко да се слушне нешто позитивно за Реал Мадрид, ние продолжуваме со нашата работа, водени од скромност и понизност.
Совршено сме свесни за нашите недостатоци, но истовремено ги препознаваме и големите достоинства на нашиот тим. На трите натпревари каде што требаше да постигнеме гол за победа или реми во последните минути, покажавме изразита физичка и ментална сила, како и целосна посветеност и решителност. Да бидеме искрени: не е нормално да водиме со 2:0 против Елче, а потоа да примиме гол за израмнување во 80-тата минута.
Но, исто така не е нормално и да примиме таков гол, а потоа да видиме како тимот се преобразува за само неколку минути и создава нови шанси сè додека не постигне гол за победа.
Како што не е нормално и да губиме од Бетис и да покажеме таква борбеност – по неверојатниот гол на Еспи и промашениот пенал – а сепак да најдеме сила да се бориме понатаму. Овој тим, освен квалитетот, поседува и сила што значи многу. Тоа ми дава голема самодоверба, бидејќи битката за титулата во Ла Лига е маратон, а не кратка трка, – заклучи Мурињо.
