Алехандро Гарначо беше еден од фудбалерите кои го кренаа гласот по поразот на Манчестер јунајтед од Тотнем во финалето во Лига Европа.
Младиот напаѓач изјави дека сезоната била „срање“ и се пожали на слабата минутажа, односно зошто одиграл само 20 минути во Билбао.
На Рубен Аморим не му се допаднале коментаторите, решил да покаже кој е главен и практично му „удрил клоца“ на Алехандро Гарначо пред целиот тим.
На еден од тренинзите по финалето во ЛЕ, тренерот му порачал на фудбалерот: „Моли се на Бога да најдеш клуб кој ќе сака да потпише со тебе!“.
Со ова, Рубен Аморим ставил јасно до знаење дека нема да смета на Аргентинецот, и тој ќе треба да ја промени средината во летниот преоден рок.
Претходно, тренерот на Манчестер јунајтед постапи слично и со Маркус Рашфорд, кој поради недоволно залагање беше отстранет од тимот и испратен на позајмица во Астон Вила.
ФОТО: X/Manchester United
