Два клучни американски авиони за рано предупредување и командување, наменети за управување со бојното поле, пристигнаа во Обединетото Кралство во услови на засилено распоредување на американските воени сили, што би можело да укаже на потенцијални напади врз Иран. Според информации од Би-би-си, станува збор за авиони од типот Боинг Е-3 Сентри, познати како АВАКС, кои слетале во воздухопловната база РАФ Милденхол во Сафолк.
Пристигнувањето на овие авиони било документирано од страна на ентузијасти за воздухопловство, а според платформите за следење летови, авиони полетале од Енкориџ, на Алјаска. Движењето на овие стратегиски важни авиони ќе биде внимателно следено, бидејќи некои аналитичари го сметаат нивното пристигнување за клучен дел во „мозаику“ што укажува на можен американски напад врз Иран.
Истражувачот Стефан Воткинс, кој следи движења на бродови и авиони користејќи јавни информации, за Би-би-си Verify изјави дека ако тековните настани продолжат по сличен образец како операцијата „Миднајт Хамер“ — кодното име за американските напади врз иранските нуклеарни капацитети од јуни 2025 година — тоа би значело дека нападот е неизбежен.
