Вториот тенисер на светот, Карлос Алкараз, триумфатно го освои Ролан Гарос. Во финалето на Отвореното првенство на Франција, Шпанецот со неверојатен пресврт успеа да го победи Јаник Синер со 3:2. Резултатот по сетови беше 4:6, 6:7(4), 6:4, 7:6(3), 7:6(10:2).
Оваа средба се запиша во историјата како втор најдолг натпревар во финалињата на Гренд слем турнирите, со времетраење од 5 часа и 29 минути, што го прави најдолгиот финален натпревар на Ролан Гарос.
Најдолгата средба до сега е онаа помеѓу Новак Ѓоковиќ и Рафаел Надал во Мелбурн во 2012 година, која траеше 5 часа и 53 минути.
Овој триумф е петти Гренд слем трофеј за Алкараз и втор на Ролан Гарос, а во неговата колекција се и еден Отворен турнир на САД и два Вимблдон.
По враќањето на теренот по паузата поради допинг, Синер лесно стигна до финалето во Париз, за разлика од Алкараз, кој имаше многу потешкотии.
