Атлетико Мадрид и Барселона вечерва на „Метрополитано“ стадионот ќе се сретнат во реванш натпреварот од четвртфиналето на Лигата на шампионите.
Атлетико, изненадувачки, го доби првиот меч со резултат 2:0, што им дава одлична шанса да се пласираат во полуфиналето. Пред натпреварот, битките се водат и надвор од теренот, а Диего Чоло Симеоне, тренерот на Атлетико, покажа дека во тие ситуации одлично се снаоѓа.
Новинар: “Ламин Јамал направи коментари за тоа како се чува од неколку играчи. Како реагирате на тоа?”
Диего Симеоне: “Ако сака да игра спорт еден на еден, нека оди да игра тенис” pic.twitter.com/94R4UFbVxE
— 𝐟𝐞𝐝𝐞𝐯𝐚𝐥𝐯 (@heis_fede) 13 април 2026
На прес-конференцијата, Чоло беше прашан за коментарите на Ламин Јамал.
„Ламин се жали дека го чуваат многу играчи од Атлетико и сака да има шанса да игра еден на еден. Што имате да кажете за тоа?“
Чоло веднаш одговори со јасна и хуморна реакција.
„Ако сака спорт еден на еден, нека оди да игра тенис.“
Победникот од дуелот меѓу Атлетико и Барса во полуфиналето ќе се сретне со подобриот од натпреварот Арсенал – Спортинг.
Фото/ EPA
