Претседателот на Собранието, Африм Гаши, испрати честитка до ромската заедница по повод 8 Април, Меѓународниот ден на Ромите. Овој ден е важен момент за размислување и прослава на богатата култура, уникатниот идентитет и наследство на ромската заедница, кои тие ги развиваат низ вековите.
„Тој е и постојан поттик за зајакнување на нашата заедничка посветеност кон еднаквоста, инклузијата и целосното почитување на човековите права“, истакна Гаши во својата честитка.
Претседателот подчертава дека ромската заедница е значаен дел од општествениот и културен мозаик на нашата земја. „Ја нагласувам одговорноста на институциите за создавање политики и механизми што ќе обезбедат еднакви можности, квалитетно образование, економска вклученост и достоинствен живот за секој граѓанин, без оглед на неговото потекло“, додаде тој.
„Нека овој ден биде инспирација за продлабочување на соработката, зајакнување на разбирањето и унапредување на вредностите на почит и еднаквост во нашето општество“, завршува претседателот на македонското Собрание во својата честитка.
