Во Центарот за биоинформатика во Скопје (еден од ретките во регионот, но и светот, кој официјално работи од 2017 година, со лиценца од Министерството за здравство) се лекуваат тешки болести, алергии, инфекции, карциноми, генетски заболувања, автоимуни заболувања, како и Ковид 19 – без класични лекови. Татјана Илиевска и Кристијан Давидовски, за „Фокус“, објаснуваат како функционира оваа регенеративна медицина.
Што е биоинформатика? Во медиумите често слушаме за новитети и иновации, но ретко за новитети и иновации кои не се засноваат на лекување со хемиска супстанца, односно на класичен начин. Применетата биоинформатика и нејзината апликативна страна, односно Регенеративната медицина, која ја практицира Центарот за Ревитализација во Скопје, е токму таква, односно, наместо на класични лекови, се заснова на лекување со таканаречени програмски клеточни јазици, објаснува Илиевска.
Во овие таканаречени Олопатски медикаменти, главното лековито својство не е самата хемиската супстанца, туку е информацијата, односно клеточниот сигнал запишан на соодветниот клеточен јазик на носач кој се носи прилепен за кожа и со чија помош клетките добиваат соодветни инструкции како да ја подобрат својата функција, односно да се самоизлекуваат.
„Ваквиот пристап е основата и почетокот на новата ера во медицината, која денес е достапна за секого, но во одредени мали центри ширум светот. Во светот денес во одредени центри и институции се изработува персонализирана терапија само за потребите на одреден пациент и за одредена состојба или заболување. Сите овие промени се започнати во 70- тите години, а денес веќе почнуваат да стануваат подостапни за секого“, вели Илиевска, додавајќи дека не е чудно што многумина првпат слушаат за Применета Биоинформатика, со оглед дека до пред 20 години оваа наука се практикувала само во одредени мали и селектирани кругови на луѓе, а во меѓувреме, како нов аспект во медицината, била жртва на големата доминација на фармацијата, која лекува само од еден аспект.
Но што всушност значи?
„Биоинформатика е наука за собирање и анализа на сложени биолошки податоци како што се генетски кодови, а Применета Биоинформатика е наука во чие поле на проучување е смислата на информациите складирани во генетскиот запис односно: анализа, декодирање, модулирање, пренос и запис на биолошката активна софтверска форма. Разликата меѓу двете научни дисциплини е во тоа што Биоинформатиката ни дава збир и анализа на биолошките податоци, а Применетата Биоинформатика ни дава можност да ги менуваме одредените биолошки податоци и со таа можност да направиме промена односно излекување на одредена патологија или состојба“, објаснува Илиевска.
За да се разбере што значи клеточен програмски јазик, пак, најдобро е да се направи паралела со англискиот јазик, како најраспространет општоприфатен јазик со кој две различни единки можат да воспостават комуникација и разбирање, доколку истите го познаваат.
„Така, на истиот тој начин нашите клетки, од кои се составени сите наши ткива и органи, комуницираат помеѓу себе со специфични програмски јазици, кои се налик на нашиот јазик со кој ние меѓусебно комуницираме секој ден (примерот со Англискиот јазик и останатите јазици во светот). Така денес познавајќи ги клеточните јазици, односно начинот на кој клетките комуницираат помеѓу себе, можеме да слушнеме условно што зборуваат и увидиме каде грешат односно каде е изворот на одредената болест или состојба, и на тој начин со помош на нивниот јазик да им составиме известување и да им се обратиме и укажеме каде е проблемот и како тие да го решат, а со тоа да постигнеме самоизлекување без употреба на хемиски супстанци или било какви инванзивни методи и техники“, вели Илиевска.
Резултатите од ваквиот пристап, потенцира таа, споредени со општоприфатената медицина, се феноменални. На пример кај алергиите, за разлика од класичните лекови кои само ја одржуваат состојбата (кај потешки болести), биоинформатиката нуди лек кој комплетно ја лекува алергијата. И не само оваа состојба, туку нуди решенија и за регенерација на нервниот систем, на нервите на одредени органи, регенерација на органи заболени од патолошки состојби итн. Се третираат луѓе со многу тешки заболувања, карциноми, автоимуни заболувања, деца со аутизам, генетски заболувања итн… Поточно, сѐ што класичната медицина смета за неизлечива болест, биоинформатиката го третира со одлични резултати, истакнува Илиевска.
Притоа, сето тоа по пристапни цени.
„Центарот има подготвено 27 готови препарати кои се наменети за третман на исто толку состојби. Тие чинат од 750 до 3.000 денари и се препарати за трајно надминување на тие состојби. Едно до три шишенца маслиново масло, како носач на информации може трајно да излекува алергија“, истакнува таа. ПОВЕЌЕ ДЕТАЛИ И ПРИМЕРИ ПРОЧИТАЈТЕ ТУКА.
