ДУИ очекува СДСМ, по конституирањето на Собранието, да ги покани на разговори за формирање на парламентарно мнозинство, но не исклучува ниту формирање на парламентарно мнозинство со ВМРО-ДПМНЕ, изјави високиот функционер на партијата – Бујар Османи, во интервју за косовската телевизија „Т7“, пренесува „Алсат“.
Османи рече и дека ДУИ не би имале против идејата за ротирачки премиер, но потенцираше и дека во иницијативата за премиер Албанец поважна била симболиката:
„Една од паролите на кампањата беше ‘Зошто да не’, така што, зошто да не? Сè е можно. Во случајот со премиерот, симболиката е поважна отколку практичниот аспект. На овој начин се кршат табуата на нееднаквост во оваа земја. Мислам дека институциите се ослободуваат“, рече Османи. Повеќе ТУКА.
