Реакциите по „признанието“ на пратеникот Павле Богоевски сè уште не стивнуваат. Додека опозицијата, вклучително и преку своите гласила, се обидува максимално да поентира, од другата страна сè повеќе јавни и политички личности се чувствуваат должни јавно да застанат во одбрана на Богоевски.
Не е преголемо изненадување што меѓу нив од вчера е и пратеничката на СДСМ – Фросина Ременски. Таа направи споредба меѓу однесувањето на Богоевски и однесувањето на експремиерот во бегство – Никола Груевски, а воедно и ја пофали доблеста на Богоевски да го „трпи линчoт од моралистите спинери и нивните извpшители кои сакаат да се подзаборави на мандатот на големиот поштењачина Груевски“.
„Додека се делат лекции за морал, етика и одговорност за Павле, може и да научиме нешто.
Павле не негираше снимка и негов глас во стилот ‘сечено, лепено, монтирано’ и имаше храброст да се пријави во пoлициja и во обвинитeлcтво за тоа што го порачал. Спремен е да одговори на сите заинтересирани и не бега од линчoт и епитетите кои толку многу му ги наредија.
Истиот тој Павле ќе ја свика и ќе ја води седницата на Комисијата за мандатно-имунитетни прашања за одземање на мандатот на азилантот Никола Груевски кој го слушавме сите што сè порачувал, барал и наредувал. Но, тој никогаш не призна дека снимките се автентични и не се сечени, лепени и монтирани, и далеку е од чувството на морал или храброст да се пријави во пoлициja и да каже каков е неговиот ќар од тоа што го порачуваше – провизии, yништyвање на судбини, пpoгони, шамapи, луксуз, прикривање на yбиcтва …
‘Неморалниот и неодговорниот’ Павле ја има доблеста да го трпи линчoт од моралистите спинери и нивните извpшители кои сакаат да се подзаборави на мандатот на големиот поштењачина Груевски.
Како тргнале, можеби ќе дознаеме и како избега…, преку сечено, лепено и монтирано.
До тогаш… Живели моралисти!“, пишува Ременски.
