Повратокот на Мери Бошковска во репрезентацијата
Селекторот на женската одбојкарска репрезентација на Македонија, Стефан Пауновиќ, ќе може да смета на Мери Бошковска во претстојните квалификации за Европското првенство. Извонредната одбојкарка, која пропушти дел од натпреварите на почетокот на летото поради повреда, сега е подготвена да се врати на теренот.
„Се чувствувам подобро и последните 15 дена сум активно со репрезентацијата. Повредата ја обновив, поминав низ физикална терапија и индивидуални вежби за зацврстување на зглобот. Искрено се надевам дека ќе успеам целосно да се вратам во ритам. Убаво е повторно да бидам дел од екипата. Оваа повреда ми покажа колку е тешко кога сакаш да помогнеш, а не можеш! Се надевам дека со моето враќање ќе придонесам на теренот“, изјави Бошковска.
Иако натпреварите против Грција и Австрија не можат да донесат значителни промени за Македонија во квалификациите за ЕуроВолеј 2026, тие можат да бидат потврда за напредокот на екипата.
„Вистина е дека немаме резултатски притисок во дуелите со Грција и Австрија, но нашиот фокус е на максимален ангажман и добра игра, особено пред домашната публика“, додаде Бошковска.
Натпреварот против Грција на 3. август ќе се одржи во Скопје, во Спортскиот центар Борис Трајковски, а на 9. август, Македонија ќе гостува во Австрија.
