Со дуелот помеѓу Хрватска и Исланд започнуваат натпреварите од групата 2 во главната фаза. Овој натпревар не само што е важен за освојување бодови, туку има и дополнителна димензија, бидејќи на клупата на Хрватска се наоѓа Исланѓанецот Дагур Сигурдсон, кој е првиот странски селектор на оваа репрезентација. Почетокот на натпреварот е во 15:30 часот.
Во другите средби, Швајцарија и Унгарија ќе се соочат за првите бодови во групата. Овој натпревар е закажан за 18 часот.
За крај, дербито на колото ќе се одржи во Малме, каде што ќе се сретнат репрезентациите на Шведска и Словенија. Двете формации доаѓаат во овој натпревар со два освоени бода. Почетокот е во 20:30 часот.
