Поранешниот британски премиер Борис Џонсон упати порака до европските земји да престанат со изненадување од изјавите на американскиот претседател Доналд Трамп и наместо тоа, да му помогнат во обидот да се стави крај на конфликтот во Украина. Ова го истакна во својата најнова објава на Икс.
„Очигледно е дека Украина не е таа што ја започна војната. Ваквото тврдење би било исто како да кажеме дека нападот врз Перл Харбор бил инициран од страна на САД, а не од Јапонија“, напиша Џонсон, коментирајќи ја изјавата на Трамп дека Украина е одговорна за почетокот на војната.
Одговарајќи на тврдењето дека земја под воена окупација треба да организира избори, Џонсон потсети дека во Велика Британија, во периодот од 1935 до 1945 година, не се одржале општи избори, укажувајќи дека во вакви услови демократските процеси не можат нормално да функционираат. Ова беше негов одговор на барањето поддржано од Трамп, кое сугерираше одржување претседателски избори во Украина.
Тој, исто така, го коментираше тврдењето дека поддршката за украинскиот претседател Володомир Зеленски паднала на 4 проценти.Според Џонсон,оваа бројка не е точна и рейтингот на Зеленски всушност е сличен со оној на Трамп.
„Изјавите што ги дава Трамп не треба да се гледаат низ призмата на нивната историска точност, туку како обид да се предизвика реакција кај европските сојузници и да се поттикнат на дејствување“, оценува Џонсон.
Дополнително, Џонсон го спомена фактот дека САД имаат пристап до 300 милијарди долари замрзнати руски средства, од кои поголемиот дел се наоѓаат во Белгија. Тој нагласи дека овие пари треба да се насочат кон поддршка на Украина и компензација на американската помош што ѝ е дадена. Притоа, ги повика европските земји да престанат со блокадата на овие средства, особено Белгија и Франција, оценувајќи дека тоа е неоправдано и дека е итно време за преземање конкретни чекори.
