Швајцарските научници денеска објавија дека измислиле батерија од печурки која може да напојува сензори во оддалечените региони на земјата.
Научниците од Швајцарската федерална лабораторија за наука и технологија за материјали (Емпа) соопштија дека станува збор за биоразградлива батерија која користи метаболизам на два различни типа на габи за производство на електрична енергија.
Како што е наведено, механизмот работи на тој начин што квасната габа се храни со шеќер и произведува електрони на анодата, негативниот пол на клетката, а од другата страна на клетката, друга габа произведува ензим кој заробува електрони и ги отстранува од ќелијата.
Батеријата е произведена со помош на 3D печатач, а ќелиите од печурки се мешаат во мастило за печатење.
Ако батеријата е сува, таа не произведува струја, а се активира со додавање вода и хранливи материи.
Научниците велат дека целта е да се направи батеријата со печурки поефикасна и издржлива, а продолжуваат со потрагата по други видови печурки кои исто така се погодни за снабдување со електрична енергија.
